22 يناير 2011
أقدر أكون النجمة والمطرة
أقدر أكون الغيمة والشباك
واقدر أطير زي النجوم في البرد
وارقص كإني جنينة مش فاضية
أقدر أحن لبكرة كل صباح
أقدر ابوس الحيطان من غير ما اصحيها
وانفخ في وردة تبقى طير فرحان
وارسم شوارع ضحك منسية
أقدر أخلي السما مفتوجة للغنوة
أقدر أشد الشمس من إيدها
واقدر أخليها قمر عريان
واحضنها حضن غريب مش فاهمه
مش لازم أفهم نعمة الفرحة
الكون معايا وقادر أهمس له
قادر أكون له رفيق واغني له
والعب معاه لعبة تهد الموت
واشرب معاه في صحة الضحكة
أنا قادر أكتب لك
قادر أحبك كمان
قادر أكون إنسان
