قصيدة من ديوان نسوان الصبح بدري للشاعر عبده المصري
ديوان نسوان الصبح بدري لعبده المصريالليل الطالع علي الخد
أشجان تتمدد من مفرق
شعرك للنهد من خطوة
بتنزف ف الرقصه
ولا رعشة بترجع لرمالك
ولا دمعة وباشت ف الجدران
ف الأرض العتمه ف الخوف
م اللمسة اللي بتحيي الروح
وضفاير تطوح ف الحلم
وتسيب في القلب مطر مجروح
من مفرق نهدك لشفايفي
تواريخ بتنام في الدم
حواديت وحارات
سلاطين وعبيد وجواري
وبنات بتحن للمسة
من مفرق نهدك لعنيا
الشمس تنور شباكي
وتبعتر روحي علي رمل الشط
من مفرق نهدك لدموعي
كنايات عطشان
ومجاز سهران
يرجع بالليل يحضن
باب البيت النعسان
وينام فرحان
