ساعات
لمّا بتراودك الفكره
إللى محتاجه لتأنى
إنك تمارس سُلطتك
وتشكل الأشياء
قُدّام عنيك
كما تشاء
وتشوف حياتك كُلّها
دون الوقوف
على حدها
……
ملياك نهايات الملل
عن كل حاجه عرفتها
من كل حاجه شفتها
وسمعتها
عمياك دموع
مكنتش لك
بتشوف عرايس خلق تتحرك
على مسرح فلك
من غير سما
متقسمه
باينه خطوط الزيف على كل الوشوش
متنغمه
متلغمه
آلام كتير بتقربك
ناحية الحيره إللى جوّه سنينك الضايعه
راسم على كل الطُرق
فكره
إنك تواجه موقفك
بهروب أخير
