Home
ركن الأدب

جمرة قلب بره الأوطان 


صفحة البيت

بيت الكاتب العربى

المكتبة

نادى القراء

ورشة فن الكتابة

ركن الأدب

مقالات

 من الأخبار

ركن الحوار
أحداث بارزة
رأى وكتاب
سجل الزوار
استفتاءات

فهرس للصفحات العربية

اتصل بنا

منتدى الكتاب العربى

مجلس الأمناء
فى أجهزة الإعلام
خدمات
بحث

 


شعر
: أحمد عبد الحكم أبوالحسن
مصر - قنا

 

صوتك فى التليفون
عصافير مدبوحة
ومراكب راسية
على ضفة حزنك
يا أبو قلب حنين
جناحاتك مش حمل الطيران
ريشك هش
طاير ليه ؟
إوعى تقوللى عشان القرش
عارف جيبك مخروم !
عمر ما قلب حنين
إتوافق مع جيب مليان
بتقضّى شتاك بردان
علشان يتدفّى البيت
ملعون أبو خاش الدفايه اللى بتنقاد
من جمرة قلب .. بره الأوطان
ملعونه الجوابات اللى بتوصل
ناقصه صاحبها
ملعون العرق النازل يعزف
لحن من الألحان مكسور
ملعون القرش اللى بيسقف طبلة ودن
بتعشق فيروز ونجاة
عارف إنه حلال
لكن مش يبقى حرام
لما يفضى الروح
من زحمة زقزقة العصافير
لما يكسّر فوانيس الشارع
ويفضيه حتى من يفط الحلم
لما بيحبس ف زنازن قهره غناك
صوتك كداب
وانت بتقول مرتاح
شايف حرفك محشى آهات
الضحك الطالع منك بالعافية
بيعبى روحى جراح
إنزف .. إنزفنى
الدم الطالع منك محنى
ماشى فى الشارع بيزك
مش لاقى عكاز
والشارع فاضى
حتى من لمض الجاز
الدم الطالع منى جافى
مش قادر يوصلك
أحسن لى وأحسن لك
إرجع
قبل جراحة تجميل الوش
ما تجمّد قلبك
قبل ما أنساك وأفتكرك بالقرش
الحزن مراسى الفقرا
خليك على مركب من دول
جدف وحدك وتعال
صدقنى ح أركب وياك
على مركب حزنك
وافرح بلقاك

**********************

أول الصفحة


 © Arab World Books